توضيح بالنسبة للمنشور الأسرة المكلومة
[ad_1]
توضيح بالنسبة للمنشور الأسرة المكلومة:
دي تجميع لعدد من الأسئلة والاستفارات:
(ح أنزل باقي التوضيحات في التلعيقات)
– هل الموضوع ده نصب واحتيال؟
* والله لو كان نصب واحتيال كان ع الأقل كتبت رقم حسابي بنكك أو طلبت تبرعات، لكن والله لا طلبت تبرعات ولا كتبت رقم حساب بل كان النص على المنشور بصورة واضحة انو يا جماعة المطلوب دكتور عنده عيادة وعلى استعداد لعمل العملية دي بعد استيفاء المتطلبات القانونية والتنظيمية.
– طيب مدير المستشفى قال ما جات الحالة دي.
الجواب:
السؤال الأهم: هل هم مشوا ولا ما مشوا المستشفى ده مربط الفرس
الجواب انهم مشوا المستشفى وكلامهم صحيح لكن منعهم من إجراء العملية انهم لقوا المستشفى كلها معارف
مدير المستفى بعتبر جيتهم وعدم جيتهم بمراجعة السجلات فكلام مدير المستشفى من ناحية انهم ما حضروا الى المستشفى لأنهم ما عملوا العملية وبالتالي أسماءهم ما موجودة في السجلات هو كلام صحيح
لكن من ناحية إنهم مشوا المستفشى مشوا المستشفى وفي المرفقات تعليق الأسرة المكلوم انهم مشوا لكن لقوا المستشفى معارف وخافوا الفضيحة وانو تبقى عليهم المصيبة مصيبتين.
– لشنو حذف تعليقات الدكاترة من صفحتك الشخصية؟
* في كم واحد لاقاني في صفحة تانية وقال اني حظرتو والحقيقة أنا ما حظرت غير اتنين والسبب تطاولهم في الكلام والإساءة
الأول في البداية كتب كلام انو هو مدير المستشفى لما رديت ليهو انك دخلت علي باسم وهسي طلع عندك اسم تاني رد علي في تعليق داخل التعليق بإساءة ..
التانية في واحدة كانت بتتداخل في التعليقات بأسلوب غير لائق فقمت حذفت تعليقها وحظرتهاحذفت تعليقاتهم لأنها كانت غير لائقة والصفحة صفحة شخصية لا يطلب من صاحبها تقبل الإساءات.
– طيب لشنو حذفت المنشور؟
جرت العادة في نشر الحالات الانسانية انو بمجرد ما تمت الحوجة بنحذف المنشور، وبمجرد ما تكفل أحمد الصيني مبادرة شارع الحوادث بالأمر حذفت المنشور لأنه استنفذ غرضه ولأنه مؤلم.
– هل صحيح اتصل بيك مدير المستشفى وقال ليك ما حصل كلام زي ده وانت قلت ليهو ح تكتب منشور تعتذر فيهو؟
الكلام ده مبتور وغير صحيح ..
مبدئيًا حالات الاغتصاب مؤكدة وموثوقة وما دايرين الأسئلة الزي دي تصرفنا عن جوهر المشكلة.
تانيا: لما نزلت الحالة اتواصل معاي واحد اسمو مصعب الفكي زي ما واضح في الاسكرين تحت قال لي أنا من أبو أحمد وعندك طبيب ممتاز ح يعالج الموضوع ده
قلت ليهو خير رتب معاهو ووريني
تاني ضرب لي بعد ربع ساعة تقريبا قال لي جهزت مبلغ 250 للحالة ..قلت ليهو ما دايرين قروش .. رتب مع الدكتور
تاني ضرب لي بعد عشرة دقايق…
بصراحة دخل الشك فيني لآنه دي حاجة ما طبيعية وما رديت ليهو
بعد ربع ساعة اتصل رديت عليهو انو جزاك الله خير والحالة دي مسكها أحمد الصيني شارع الحوادث نسق معاهو فجأة قال لي انا دكتور عبدالوهاب مدير عام مستشفى أبوحمد!!
قلت ليهو هسي مش كان اسمك مصعب مالو بقى د.عبدالوهاب
عرفت نفسي قدام شخصية مخادعة بس المالي راسي انو زول زي ده بستفيد شنو من كلامه ده
المهم خليتو يواصل كلامه وقلت ليهو ما عندك مشكلة الان ننزل توضيح لكن داير أسألك:
أنت مدير عام المستشفى لو الأسرة دي جاتك الآن بتحل ليهم مشكلتهم ؟
ارتبك وقال لي إلا أشوف مدير المباشر …
مديرك المباشر كيف وأنت مدير عام المستشفى!؟
عرفت انو الموضوع عبارة عن تلاعب من شخص ما طبيعي
اخر الليل اتصل علي واحد من الشباب مستفسر لمن شرحت ليهو ووريتو الاسكرين التحت دي قال لي الزول ده دفعتي من المدرسة وهو ساكن عطبرة ما عنده علاقة بأبو حمد!!
ويا جماعة الخير أنا ما حابي نتوسع في التفاصيل دي لأنه الموضوع موضوع ما بسيط في النهاية دي سمعة أسرة ومافي زول برضى لو أسرتو في وضع زي ده يجي زول يفضحهم.
– طيب ..لشنو بتتكتم على الحالة كدا؟
هو ما تكتكم بقدر ما إنهم أسرة وثقوا فيني وقصدوني بغرض المساعدة فقط ما أكتر ولا أقل وأنا ما أفصحت لزول عن الأسرة عشان ما أجمع عليهم المصيبة مصيبتين تبقى اغتصاب وفضيحة لأنه البيوت السودانسية يراعون الستر وعدم الفضيحة في الحالات الزي دي
وتواصل معي واحد من اللايفاتية داير يشوف الأسرة بعينو .. لا لشيء بس يشوف ساي ..وكأن أعراض الناس كلأ مباح
وأنا ما عندي مشكلة إني أفصح للجهات العدلية الرسمية عن التفاصيل لكن بالنسبة للناس “الساي” فمستحيل أفصح ليهم مهمها كان.
إيهاب إبراهيم الجعلي
[ad_2]
مصدر الخبر
