السياسة السودانية

نزار العقيلي: (الحوش ما بسقط)

التنظير اثناء العمليات ما كويس .. مقدر جدا” لقلق المواطن و خوفهم على الإحتياطي المركزي .. الواحد فيكم لو ما زعل و بطنو فارت ما بيبقى سوداني .. بس يا ريت الناس ما تستعجل النتائج و ما تتأثر بإعلام المليشيا .. إعلام المليشيا بيستقل عدم معرفة المواطنين بطبيعة و ارض الاحتياطي المركزي .. لازم تعرفو انو الإحتياطي ده ما مبنى و حوش .. لازم تعرف انو المبنى زاتو عبارة عن مدينة كاااااملة .. كون إنو المليشيا تدخل و تسيطر على ورشة و مخزن صناديق فارغة ما معناها سقوط لمنظومة الإحتياطي المركزي .. فالنفترض انو الإحتياطي كلو سقط في يد المليشيا فهل ده معناهو انو البلد سقطت في يد المليشيا ؟؟ يا جماعة اعتبروا من هسه انو الاحتياطي سقط و سلاح المهندسين سقط و المدرعات سقطت فهل بتتخيل انو الجيش و البلد سقطت ؟ هل الجيش السوداني ده هو جيش الخرطوم ؟ المليشيا دي كلها كم ؟ مليون جنجويدي ؟ يعني شنوووو ؟ إحنا كم ؟ هسه كلكم سمعتو انو الاحتياطي سقط ما سالتوا نفسكم وين جثامين شهدائنا وين صور الأسرى ؟ اصبروا يا جماعة .
يا جماعة الحرب و المعارك فيها الكر و الفر و الإنسحاب و الهجوم و الخدعة و الخ .. عندنا كلنا راي في سير العمليات لكن يا ناس لازم نعرف انو ده ما الوقت الحنقعد ننتقد فيهو .. انت كمواطن ما عليك إلا انو تشوف ادواتك البتدعم بيها الجيش .. ادواتك المدنية .. المواكب و الهاشتاقات و الدعم المعنوي للجنود في الميدان .
ما تسمحوا ابدا لروحكم المعنوية تسقط .. خليكم واثقين تماما انو النصر قريب و انو الجيش شغال و إنو ده ما جيش بيداوس و انو الإحتياطي المركزي ما مجرد حوش .
نزار العقيلي


مصدر الخبر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى