بابكر سلك يكتب.. المريخ داير شنو؟
[ad_1]
*غايتو الجات للمريخ تختاهو.
*عمر المريخ مامر بتهاتر زي ده .
*كلو زول ماقارش ملحة التاني .
*وكلو تاني ماقادر يبلع الأولاني.
*إتغيرنا.
*بعد كنا أكتر فئة من هذا الشعب مترابطة ومتواصلة ونتبادل الإحترام فيما بيننا .
*بقينا لا نطيق حتى بعضنا.
*طب ليه؟.
*لأننا تحزبنا.
*استطاع أصحاب المصالح أن يقودونا لتشرزم.
*أنصار فلان وأنصار علان .
*بقينا والياب وصاقعاب (رحمه الله ) وسوداكالاب وحازماب وحديقة مورداب وحوشاب وفادنياب وأخيراً أبان جيباب.
*نسينا أننا مريخاب.
*كلو فئه ترى أنها الأجدر والأفضل وماعداها(ما أهل المريخ).
*ودخلت علينا نعرة الشوفونية ويافيها يا مافي داعي ليها .
*ولو كانت مصلحة المريخ فيها .
*ووصلنا لما وصلنا إليه.
*السؤال .
*خلونا من ده كلو.
*نعمل أرضاً سلاح أرضاءاً للمريخ.
*ونشوف المريخ الليلة داير شنو .
*أول حاجة دايرة المريخ نصفي النية.
*ودي ماصعبة.
*الاستاد.
*مستوى الفريق.
*الاستقرار الإداري.
*الاستاد ده ماداير غلبة قدر دي.
*مجرد تجهيز الملعب بمكنا على أقل تقدير من آداء المباريات الدورية والتمارين.
*قصة هجين وتركية وإتشحنت ولسه ماقامت.
*بتخلي الاستاد يطول وياخد مدة .
*قصة الاستاد دي مسؤولية لجنة أبوجيبين في المقام الأول.
*ثم مسؤوليتنا كشعب مريخي في المقام التاني.
*بعد المرحلة دي نفكر في مطلوبات الفيفا والكاف.
*يبقى ياناس أيمن الزمن ضيق وأمامكم تحد كبير.
*ونخلي ليكم إدارة الموضوع .
*ثانياً.
*فنياً ده شغل الجهاز الفني.
*(ننأطوا) بسكاتنا عشان يعرف يشتغل ويجهز ناس موسيس وجماعتو ونحكم عليهم بعد داك.
*أما الاستقرار الإداري.
*ده مسؤوليتنا نحنا.
*مفروض نهيئ الجو ليهم ونكون في الصفوف الأمامية رهن شارتهم.
*وبعد داك يتم جرد الحساب وتقييم عملهم .
*ووصية .
*ترهل القطاع الرياضي ودائرة الكرة والصحوبية والشللية.
*عمرها ماقدمت المريخ.
*حقو في الحتة دي الناس براها تحس.
*أما جماهيرياً.
*فحرام والله الفريق يصل الملعب.
*ويكتب على المدرجات للجماهير.
*حضرنا ولم نجدكم .
*على جميع الشفوت إجترار تلك المقولة.
*لن ندعك تسيير وحدك يامريخ.
*وننزلها لأرض الواقع .
*الكترة بتغلب الشجاعة ياناس.
*وده كل الدايرو المريخ.
*أيها الناس.
*إن تنصروا الله ينصركم .
*أها .
*نجي لي شمارات والي الخرتوم.
*كان شفت يا والينا.
*تكشوا الفريشة بي جاي.
*تاني يرجعوا لينا .
*الشغالين بمبان ديل في الأسواق ماتجيبوهم لينا.
سلك كهربا
ننساك كيف والكلب قال النجيلة جمب البلاعة بتقوم…مية سنة؟بالغتوا..
وإلى لقاء.
سلك
صحيفة الانتباهة
[ad_2]
مصدر الخبر
